Skip to content

Վայոց ձորի ջրվեժները

    Ջրվեժ ասելով հասկանում ենք բարձրությունից սրընթաց կերպով ցած թափվող ջրի հոսանքը: Վայոց ձորի ջրվեժները գահավիժող են, բացառությամբ Ջրահարսի վարսեր ջրվեժից, որը սահանքային է: Ունենալով լեռնային բնույթ՝ Հայաստանի տարածքով հոսող գետերի անկումը բավականին մեծ է, որն էլ նպաստում է ջրվեժների առաջացմանը: 

    Ջրահարսի վարսեր

    «Ջրահարսի վարսեր» ջրվեժը գտնվում է Ջերմուկ քաղաքում` Արփա գետի աջակողմյան Ջերմուկ վտակի վրա։ Սկզբնավորվում է աղբյուրներից, մոտ 68 մ բարձրությունից 3 գմբեթաձև դարավանդներով  թափվում Արփա գետ։

    Քարավազի ջրվեժ

    Քարավազի ջրվեժը գտնվում է Հերհեր գետի աջակողմյան վտակ Քարավազի վրա, Հերհեր գյուղից վերև՝Կարմրաշեն գյուղից 2 կմ արևելք: Ջուրը ժայռերի միջով հոսելով առաջացրել է սահանքային այս ջրվեժը:

    Լուսանկարը՝ Armenian Geographic-ի

    Հերհերի ջրվեժ

    Գտնվում է Հերհեր գետի վրա, համանուն գյուղից  5 կմ հյուսիս: Ջրվեժի տակ գոյացել է խորը ավազան, որտեղ կարելի է լողալ:

    Լուսանկարը՝ Armenian Geographic-ի

    Արտավանի ջրվեժ

    Վայոց ձորի ջրվեժները հոդվածի վերջին ջրվեժը Արտավանի ջրվեժն է, որը գտնվում է Արտավան գետի վրա, Արտավան գյուղից 4 կմ հարավ-արևելք։

    Վայոց ձորի այլ տեսարժան վայրերին կարող եք ծանոթանալ այստեղ՝ Վայոց ձորի տեսարժան վայրերը:

    Հոդվածի նյութերը վերցված են ArmGeo.am կայքեջից, որի «Հայաստանի ջրվեժները» բլոգում կարող եք ծանոթանալ Հայաստանի ջրվեժների ամբողջական ցանկին: